Ibalik ang lantsa

Ang pag-repair kon pag-ayo sa taytayan sa Mactan-Cebu diin gisirad-an ang dakong bahin niini, mipakita sa kamahinungdanon gihapon sa sakyanan pangdagat tali sa isla sa Mactan ug sa Cebu mainland.

* * *

Angay gihapon unta nga debelopon ug mentinahon ang pag-atiman sa transport system diha sa Mactan Channel sama sa transport system adtong wala pa ang duha ka taytayan nga karon mao nay gisaligan sa pagtabok-tabok sa isla ug sa mainland sa mga tawo ug sakyanan.

* * *

Kaniadto wala man maglisud ang mga taga Mactan (Opon) lakip na ang mga estudyante, negosyante ug mga trabahante sa ilang pag-anhi sa siyudad ug balik sa isla bisan duha ra ka lantsa ang magbanus-banos hakut sa pasahero.

* * *

Si Myrna Baring, 58, estudyante pa atong panahuna, nanghinaut nga mahibalik ang sea transport tali sa Opon ug Sugbo. “Mas hayahay ang pag-anhi sa siyudad ug pagbalik sa Mactan sa mga tawo,” matud niya, “kun dunay lantsa.”

* * *

Wala man gud problema sa trapik, matud pa ni Myrna. “Ug wa pay polusyon sa kadanan,” sumpay ni Bert, iyang bana, kinsa kaniadto estudyante pa sad sa UV ug lantsa ang sakyan ngadto nganhi. Opon-Sugbo idabuwelta.”

* * *

TRIVIA. Maayong buntag sa atong mga higala ug suking magbabasa sa Banat News diha sa pantalan (Pier Uno). Daghang salamat sa inyong suporta sa Banat News.