FOI Bill huwag patayin
PATULOY na nasisikil ang mabilis na pagsasabatas ng Freedom of Information Bill. The word “pagsikil†rhymes with “pagkitil†o tuluyang pagpatay sa panukala para huwag nang maging batas. Huwag naman sana dahil pinakahihintay iyan ng mga Pilipinong nagmamahal sa demokrasya.
Parang awa n’yo na Kamara de Representante! Pagtibayin na ang batas na ito!
Alalahaning apat na buwan na lang at eleksyon na. Baka ma-bad-shot kayong lahat sa mga botante.
Katuwiran ng mga mambabatas ay gahol na sa panahon. Sabi nga “kung gusto may paraan at kung ayaw maraming dahilan. Kapansin-pansin din ang matamlay na suporta ng Malacañang kaya nawawalan na tayo ng pag-asa na maisasabatas ito ng 15th Congress.
Mabuti pa ang Senado dahil naipasa na ang FOI bill sa ikatlo at huling reading, bago pa man magpasko.
Siyam na session days na lang ang natitira mula Enero 21, balik-trabaho ang nga mambabatas matapos ang isang buwang bakasyon, hanggang Pebrero 6. Tapos ay break na naman sila upang mangampanya para sa halalan sa Mayo.
Sa Hunyo, may tatlong session days muli ang mga Deputado para sa closing ceremonies bago mag-adjourn nang tuluyan at magbigay daan sa pagbubukas ng 16th Congress sa Hunyo 30, 2013.
Kapag hindi naipasa ng Kamara ang FOI bill hanggang third reading, at maisumite ang panukala sa bicameral conference committee, sa loob ng nine session days, tiyak tigok na sa 15th Congress ang FOI bill!
Kaya nagkakaisa ang mga mamamahayag sa panawagan sa kapita-pitagang Kamara de ReÂpresentante na parang awa n’yo na. Pagtibayin na ang FOI Bill dahil mahigpit na kailangan ng ating bansa ang ganitong bansa para sa “Daang Matuwid†ni Presidente Noynoy.
- Latest
