Ang paghatag og gahom

Daghan kanato ang buot mamahimong mga micromanagers. Buot natong tilokon ang pinaka-detalye sa tanang bulohaton. Buot natong kita ang maghupot sa tanang mga desisyon. Buot nato ang kahingpitan nga tungod niini, kita nahikalimot nga dunay laing mga tawo nga sama nato maantigo usab nga mohunahuna o dili ba kaha mohimo og imagineering diha sa mga butang. Nahikalimot ang kadaghanan kanato sa bili sa gitawag nilang partisipasyon...kay lagi, sa ngalan sa pagkamasinugtanon kita mosunod nga sa ato pa, approved without thinking. Mao nga daghang mga lider ang nahimong insecure kay imbis sukdon ang katakus diha sa pangalagad, kadaghanan kanila ang nag-apas sa posisyon. Mas taas nga posisyon mas maayo apan sa tinuoray lang, wala kini magpasabot nga ikaw maayong administrador bisan pa man kun nahuptan mo ang labing taas nga posisyon diha sa imong pagkatawo dili ba? Ang tinuod nga pangulo ang naghupot ning mosunod:

A. Maantigong Maminaw ug mo-konsider sa hunahuna sa iyang mga sakop.

B. Person-Oriented ug dili lang Result-Oriented.

C. Empowering ug dili usa ka tyrant.

D. Maantigong mobahin sa kadaugan ug sa kapildihan sanglit ang tanan nagasukad ug matapos sa teamwork.

Ang teamwork alang kanako mao kini: Journeying together, growing together, producing together.