Adlaw ni Papa

“The father is the pillar of the house and the mother nourishes his strength.”

Sa binisaya pa “Ang amahan maoy haligi sa panimalay ug ang inahan maoy tigpagahi sa haligi” (Toink!/Aguy!) Hehehehehehehehehehe.

Karong Domingo ang pagtimaan sa adlaw sa mga amahan. Kanus-a ka ba katapusang nakaingon sa imong Papa og “I love you”?

Tinuod dunay mga panahon nga dili masabtan ang kinaiya sa usa ka amahan. Dunay mga higayon nga dili masabtan unsay tumong sa iyang mga baruganan ug labaw sa tanan dunay mga higayon nga dili masabot ang buot niyang ipatuman.

Amahan: Bitoy sak-a daw nang kapayas og hinog na ba.

Anak: (Singgit) Hinog na Tay.

Amahan: (Singgit) na hala naug diri kay atong kuhiton (Toink!/Ayay!) Hehehehehe!

O nakasulay ka na ba nga gisugo ka sa imong amahan nga masuk-anon og nalibog ka.

Amahan: (SINGKA) Buloy! Pangitaa akong kuwako, dili gani nimo makita, makita gyud nimo, (Toink!/Aguy!) Hehehehehe!

O kaha gitogotan ka nga makaduwa apan naglibog ka unsaon?

Amahan: O Bitoy pagukod-gukod lang mo pero ayaw mo pagdagandagan ha! (Aguy!) Hehehehehehehehehehehehe!

O nakasulay kana ba nga wala na ka makaaguwanta sa ka istrikto sa imong papa unya nilayas ka.

Amahan: Helo Senyang! Nganong nilayas ka ha? dili gani ka muoli karon dayon palayason tika (Ungo!/Ahoy!)

Nilayas na palayason pa! Aguy! Hehehe!

Apan bisan usa pa ka makalilibog ug lisod sabton ang usa ka amahan magpabilin siyang simbolo sa imong kinabuhi, simbolo sa imong pagkahimugso ug simbolo sa imong pagkaanak.

Samtang katungod sa anak ang pagpangita ug pagpaningil sa katungdanan sa usa ka amahan katungdanan usab sa usa ka anak ang pag-ila ug pagtahod sa iyang amahan.

Busa ning adlaw sa mga Papa subli natong ipabati nila ang dahunog sa pagtahod, dahunog sa paghigugma ug ang dahunog sa pag-ila sa ilang dakong tahas ug dakong nahimo kanatong mga anak.

Sama ining usa ka inosenteng bata nga misulti sa iyang amahan.

Siana: Pinangga gyud ko nimo Tay no.

Tatay: Nganong nahibawo man ka anak.

Siana: Kay inig kaadlawon ako imong habulan si Nanay imong hobuan (Toink/Ayay!) Hehehehehehehehehehehehehe!

Alang sa tanang mga amahan Happy Fathers Day! Sa akong pinalanggang Papa nga si Mario Bellita nga hangtod karon pabiling nag-atiman ug nagpangga, I love you Pa.

Buloy: Hoy bayot nasayud imong Mommy nga naibog ka sa inyong driver?

Bitoy: Nasayud oy pero tan-aw ra gihapon ko kutob.

Buloy: Ngano man?

Bitoy: Bugnoon niya kung Daddy (Aguy!).(Emailad: [email protected].)