Mogula matag Martes ug Biyernes

Quote kini ni Wilson Lee Flores, sa iyang column sa Philippine Star bahin sa maayong panglawas. Kay mag-unsa man tuod ang mga kabtangan kun luya ang atong kalawasan. In fact, giingon dinhi nga “good health is real wealth.” Maoy hinungdan nga ang mga adunahan sa atong nasud, naningkamot nga magpabilin silang himsog, aron makapahimulos sila sa daghan kaayo nilang kuwarta.

Unsa may mga health secrets sa mga top businessmen sa atong nasud, nga mga senior citizens na man kini sila? Nganong abtik man gihapon sila? Ang daghan nilang kwarta, mao bay nakapaabtik kanila?

Tambag ni Lucio C. Tan, chairman sa PAL: “To be healthy, I advise you to eat less in quantity but to eat many times throughout the day. Exercise regularly, have good rest and sleep, and work hard.” Sa ato pa, di gyud ta magpabusdik sa tiyan matag kaon, apan kinahanglan magkaonkaon og ginagmay sa tibuok adlaw, dili magpagutom. Unya, regular ang pag-exercise, husto ang pagpahuway ug pagkatulog … ug kayod og maayo. Mao ni Lucio Tan. Trabaho gyud.

Mao nga kitang mga senior citizens, lihok gyud. Di ta magpada sa tapul. Magkataas ang edad, magkatapulan ang tawo, lisud na kaayong ilihoklihok. Kun magpadala ta sa tapul, mosamot tag kaluya ug katigulang.

Dugang niini, “Tan likes to swim and walks a lot.” Langoy ug lakaw. Kita ra ba, tapulan na kaayo molakaw. Sa Amerika, matud pa, kadtong mga health conscious, mitambag nga ipalayo kuno pag-park ang awto gikan sa opisina, aron layo ang malaktan. Dinhi sa ato, kun mahimo, pasakyon ang kotse sa elevator, ug adto na park sa pultahan sa opisina … aron dili makalakaw. Mitambag usab nga ipalayo ang telepono sa imong office table aron makalakaw ka kun dunay manawag nimo.

Sa iyang bahin, si Joseph Sy Gaisano, nagkanayon: “I believe one unappreciated secret to good health is regular work. It’s not even hard work, just regular work, love your work and do it continuously (ayaw pagtinapulan). 

“Some of the world’s top financial industry leaders are in their 80s and 90s, but still doing their work that I believe sustains their good health. People look forward to retiring if they do not like their work, but if one loves work, then everyday is enjoyable and challenging.”

Si Oscar Lopez, ang patriarch sa higanting ABS-CBN ug ubang industriya, sama sa real estate ug energy, dili mosakay sa elevator, apan ang iyang mga subordinates ug batan-on nga mga executives, elevator gyud.

“He not only climbs the stairs and exercises regularly, but also climbs mountains. Nagplano man gani kono siyang mosaka sa Mount Everest, ang labing taas nga bukid sa kalibutan. Pila may edad ni Lopez? 82. Niay uban nato, mao pa gani pag-retire, sa ato pa, 60 pa ang edad, galuya na.

Si Senador Manny Villar, matud dinhi, exercises a lot. He swims, he runs. Mo-tennis, bisag mas daghan ang pilde kay sa daug, apan mogukod gyud sa bola. Daghan pang mga taipan ang gihisgutan ni Wilson, nga despite sa ilang pangedaron, nagtrabaho gihapon. Kay alang ning maong mga tawhana, ang maayong panglawas maoy tinuod nga bahandi.

Kita, unsa man? Galuya na, pordoy pa gyud!