Negosyo sa dragon

Mana: Senyang use the word dragon in a sentence.

Senyang:The dragon is a very scary creature.

Mana: Bitoy use the same word in a sentence.

Bitoy: My father is afraid of my mother.

Mana: Asa man ang dragon ana?

Bitoy: Ay asa pa mam, akong Mama.(Toink!/Aguy!)

Hehehehehehehehehe!

Ang tuig 2012 sa feng shui maoy tuig sa water dragon. Mag sugod ni karong Enero 23 hangtod sa Pebrero 9, 2013.

Unsa may maayong negosyo sa tuig tubig nga dragon?

Kun imong paminawon ang mga eksperto sa feng shui maayo ang tuig 2012 sa mga negosyo nga mapalambo sa tubig, sama pananglitan sa pananom.Ug kay ang kayo malupig man sa tubig angay likayan ang mga negosyo nga gamitan ini.

Aguy! Manampiling ini da ang mga mamaligyaay sa larsian o mga kan-anan nga dunay nagbansiwag nga dagkong kaha sama sa larang, linat-an, kaldireta, lechon ug uban pa. Taym pa mamiligro og apil da ang akong suki sa humba.(Toink!)

Pero sa dili pa mo mahugno dunay apan kay matud pa mabawi gihapon ang maong mga matang sa negosyo kun kaabag ka sa turismo. Sa ato pa katong mga kan-anan, resort ug mga Hotels nga direktang nalambigit sa pagpalambo sa turismo dili makasugat og kalisod sa tuig 2012.

Buloy: Oy Bitoy asa man ka nag-alsa balotan man ka?

Bitoy: Balhin ko sa bukid bay maayo didto kay pulos to semento ang balay sa akong Lolo hasta ang atop.

Buloy: Ha! Ngano gud?

Bitoy: O wala diay ka mahadlok nga ang tuig 2012 tubig dragon man.

Buloy: Ngano man diay og tubig dragon?

Bitoy: Tubig dragon sa ato pa na baha ug sunog.(Toink!/Ayay!)

Estoryaheeeeeeeeeeeeee!

Abunda no sa tuig tubig dragon ang mga negosyo sama sa agrikultura, plantasyon ug industriya sa uso.

Siano: Oy bay Mengoy nganong nagkutkot ka man og yuta?

Mengoy: Ingon man gud sa pung-soy nga pananom ron ang swerte sa tuig 2012.

Siano: Unsa may imong itanom?

Mengoy: Akong asawa.(Toink!/Iho!)

Hehehehehehehehehehehe!

Lakip no sa swerte sa tuig 2012 ang construction business nga dunay mga materyales nga kahoy. Maayo sab daw nga magbutang og fountain sa lugar sa balay o sa opisina pagdani sa swerte.

Sa ato pa kun swerte man sa mga negosyo nga abunda sa tubig karong tuiga, Ayay! mag-una sa lista ang mga bombero.(Korek!)

Mahimong mutoo ka mahimong dili.Apan alang sa mga ekonomista ang pagpalambo sa negosyo wala mag-agad sa bisan unsang palihi ug pagtuo-tuo. Kakugi ug ang pagtinabangay maoy labing lig-ong pundasyon pagpalambo sa panginabuhian.

(emailad:[email protected].)