Nahadlok sa buto-buto

Usa ka biyudong Sugbuanong mibakasyon sa Sugbo kuyog ang duha niya ka mga anak babaye (11 ug 13 anyos) niadtong miaging kapaskuhan.

* * *

“Kining mga bataa,” matud sa amahan, “wa pa gyud makaanhi sa Sugbo ug gusto kong makasinati sila sa buhay Cebuano.” Pulos kining duha didto sa Amerika natawo.

* * *

Enjoy ang duha ka bata -- dining ug shopping ug suroy-suroy. Apan adtong New Year’s eve, dihang kusog kaayo ang buto-buto sa rebentador, diin ang ubang buto mura’g bomba, gikuyawan ang mga bata.

* * *

“Mao pa kadtoy una nilang experience sa New Year celebration sa Pinas, lakip na sa Cebu. “Sus intawon nanago sa kuwarto,” matud sa amahan. “Unya kay ang among gipuy-an duol man sa karsada diin daghan ang nagpabuto og tanang klase sa pabuto, nisud ang duha ka bata sa bathroom.”

* * *

Nag-apurag pauli sa Tate ang mga bata. Ug niuli na gyud sila. “Maayo nalang nuon to kay ang usa kanila gihubak tungod tingali sa aso sa pulbura,” suma pa sa amahan.

* * *

Naputol ang bakasyon sa amahan ug iyang duha ka anak. Apan mobalik kuno sila sa summer kun wa nay buto-buto.

* * *

Nahinumdom ko diha sad toy Sugbuanong pamilya nga nipauli human sa New Year’s eve kay na-trauma kuno ang ilang US-born ug US-raised nga bata gumikan sa grabeng buto-buto nga iyang nasinati. Ikaduha no kini nga hitabo.

* * *

TRIVIA -- Malipayong Bag-ong Tuig sa atong mga higala diha sa Daabantayan. Salamat sa inyong suporta sa Banat News. (With JVJ)