Harolds Hotel

NAPAKAGANDA at napakalinis ng Harold's Hotel dyan sa may Gorodo Avenue, Cebu City, bukod sa mababait ang mga hotel staff dito ay magagalang pa at siempre ang pagkain grabe sa sarap.

Super Ganda ang facilities at ang ambiance grabe.

Subukan ang Harold's Hotel Kung kayo ay pupunta sa Cebu City.

Sabi nga, check -in na at dehins kayo magsisi!

Goodbye St. Lukes, welcome Veterans

TODAY, isang platitong mani este mali pulis pala na magsisilbing bilang guardiya-sibil sa gagawing paglipat kay dating panggulo este Pangulo pala at Pampanga Rep. Gloria Macapagal Arroyo, na ngayon ay isang bilanggo at itinuturing ng P. Noy administration bilang 'government enemy number 1.'

Nagulantang ang mga kuwago ng ORA MISMO, dahil 150 bulutong este mali pulutong ng mga pulis ang sasama from St. Luke's hospital, Taguig City, patungong sa Ve­terans Memorial Hospital dyan sa Kyusi na magsisilbing pansamantalang kulungan ng dating 'reyna' ng Philippines my Philippines.

Hindi pa malaman ng mga asset ng mga kuwago ng ORA MISMO, kung ano ang gagamiting sasakyan ni Glo­ria papunta sa Veterans ngayon araw.

May mga option kasi ang gobierno at pamilya nito na pagbibigyan naman kung ano ang gusto nilang kahili­ngan dahil ang pagpipilian ay kung isasakay si Gloria sa helicopter para mas mabilis ang biahe at masiguro ang seguridad nito at hindi mabalam sa pagpunta sa bago niyang kulungan o sa tsikot siya isasakay.

Ayon sa mga asset ng mga kuwago ng ORA MISMO, kung sa helicopter si Gloria isasakay tiyak magpapatupad ng 'no fly zone' ang gobierno ng Philippines my Philippines sa himpapawid na liliparan at kung sa tsikot ito  isasakay siguradong sangkaterbang escort ang dadagundong mula sa aalisan lugar papunta sa port of destination.

Sabi nga, lilikha ng matinding traffic.

May 150 foolish este mali police pala may 12 members from  Police Security and Protection office na magbabantay sa presidential suite sa buong garrison este VMMC compound na maghahalili sa dalawang tig-12 oras na pagbabantay.

Maghihigpit ang mga guardia sibil sa mga entrance at exit gates para masigurong dehins makakapuga este mali para matiyak ang kaligtasan pala ni Gloria.

Wait and see!

Casino financiers kalkalin ng BIR

DAPAT kalkalin ng BIR ang mga kamoteng financier sa Philippines my Philippines dahil sa tindi ng ginagawang kagaguhan.

 Panahon na para mabulatlat ang mga sinasabing illegal financier sa Resort World Casino para malaman ng gobierno ang kanilang kahunghangan.

 'Kapos ang kolum ng Chief Kuwago'. 

 Abangan.