Wala mosugot ni Noynoy nga gamiton ang iyang ngalan

Sa iyang column sa sports page si John Pages mihisgot sa pagbalibad ni Presidente Noynoy nga gamiton ang iyang ngalan pag-promote sa usa ka dakung sports event sa nasud. 

Ang Philippine Sports Commission (PSC) ug ang Philippine Olympic Committee (POC), nakahukom ug kini giaprobahan ni Presidente Noy, nga buhion, i-revive ang Philippine National Games kon PNG. Usa kini ka dakung tournament sa paugnat sa kusog, salmutan sa nagkalainlaing sports association sa tibuok nasud.

Ang kadagkuan sa sports misugyot nga usbon ang ngalan gikan sa Philippine National Games ngadto sa P-Noy National Games. Ang acronym mao lang gihapon – PNG.

Sa ato pa, samtang nag-promote sa sports event, at the same time, nag-promote sa ngalan ni Noynoy. Nothing wrong, di ba? Ug ikaw pa ni, lipay kaayo ka, Dro? Ug kinsa man say mosupak niini?

Dunay misupak niini – si Noynoy mismo. Wa siya mosugot nga gamiton ang maong sports event pag-promote sa iyang ngalan ug sa iyang person. Pagka-dakung opposite sa uban natong mga politiko nga hakog kaayo sa propaganda, puston ang mga sakyanan, mga basketball courts, mga waiting sheds, mga skywalks, mga taytayan, unsa pa na diha, sa ilang mga ngalan. Unya, magbuntaog dayon ang ilang mga nawong sa mga mantalaan, daku’g ngisi atubangan sa mga camera sa telebisyon. Pastilan! Kun sila pa si Noynoy, napuno na ang kadalanan sa tibuok nasud sa mga tarpaulin ug mga billboard nga nagdala sa ilang mga nawong.

* * *

Adunay miingon nga ang corruption sa atong nasud, nagsugod sa atong mga tunghaan ug sa atong mga panimalay. Matud pa, we are all born innocent, not corrupt.

Ang ato konong mga tunghaan, lakip ang mga dagku ug exclusive nga mga kolehiyo ug mga unibersidad, kini sila mga commercial enterprises, hardly educational. Sa ato pa, mi-exist sila, dili aron pagtudlo sa kabataan kundili, paghipos og daghang kwarta … negosyo gud! Maoy hinungdan, giingon dinhi nga: “such educational commercialism produces corrupt government officials, corrupt military generals, corrupt doctors, lawyers and judges, and corrupt teachers, and professors; corrupt economists, corrupt taxpayers, corrupt tax collectors, corrupt bookkeepers, corrupt policemen, corrupt fire inspectors, corrupt fire inspectors, corrupt city engineers, corrupt etc, etc, etc.

Corrupt ang tanan. Ug silang tanan produkto sa mga tunghaan, mga professionals. Ngano man ni? Unsa man diay ang ilang nakat-unan gikan sa ilang mga tunghaan? Sa military, unsa man diay ang gitudlo sa Philippine Military Academy?

Nganong naingon man ta ini uy?