H.H. W.W.

Kahinumdoman nga niadtong bata pa ako nakita ko ang mga tawo nga mohimo gyud og H.H.W.W. malalaki man o mababaye. Magtiayon, manag-uyab, ug managhigalaay ang mohimo man sa ingon. Ang H.H.W.W. mahinungdanon kaayo agi’g pagpadayag ning mosunod nga mga punto: “Una, sa panaw sa kinabuhi mahinungdanon kaayo nga ikaw molambigit ug dunay pasalig nga ikaw paga-ubanan gyud sa imong gisaligan nga mosapupo ug mokupot kanimo panahon sa mga kalisdanan.

Apan karon lahi na kaayo ang dagan sa panahon. Kanunay’ng magdali ang mga tawo. Paspas ang linakwan, wala’y lingi-lingi ang uban ug nahimong dili na kaayo makigsulti sa personal kay buot man nga ipaagi lang ang tanan sa text H.H.W.W. (holding hands while talking)...pagpakita ug pagsinati nga diha diay sa kalibutan adunay koneksiyon ang tanan.

Busa ayaw himoang magpalahi ka sa uban diha sa paglikay sa maong kutay sa kalambigitan. Dili ka makalikay niini. Ang mahinungdanon mao nga maglipay ka sa imong kinabuhi bisan pa man sa mga ginagmay’ng hinungdan sa pagsaulog. Be Happy! Be Budoy!

Kay usahay ang tumang kaseryoso sa tanang mga butang maoy makapahimo nimong mas alaot pa kay kang Budoy. Ang yanong hikap ug hapuhap sa mga kamot dako na kaayo og kahimoan aron mas makasinati ang tawo sa iyang bili ingon nga usa ka malambigitong linalang.

Human sa Misa ang pari niingon ngadto sa mga tawo:” Human ining Misa, magkuyog ta! Ang mga tawo mitubag: “Asa man Dre?” Ang pari miingon: “Atong pangitaon si Elisa!” H.H.W.W. Kuyog kita sa Panaw!