Si Tonyo (dili tinuod niyang ngalan) drayber sa trak nga 10-wheeler nga gipanag-iya og usa ka dakong trucking company.
* * *
Mas dako’g income si Tonyo kay sa mga PUJ drivers apan dili siya parehas mga drayber sa jeep nga “Sweet Lover.” Dili babaye ang bisyo ni Tonyo.
* * *
Ang bisyo ni Tonyo? Lotto. Kada adlaw mogahin gayud siya og 50 pesos para ipusta sa lotto. Suertres ra kuno ang iyang gi-enteran.
* * *
Sa adlaw sa payday, 100 pesos ang iyang ipusta. Tihik nga pagka sugarol si Tonyo, matud pa sa iyang mga higala. Tihik sad bahin sa mga babaye, matud sa mga driver nga “sweet lover.”
* * *
Pero swertihon nga sugarol si Tonyo. Sukad sa iyang pag-apil-apil sa lotto, katulo na siya nakadaug sa swertres. Ug kay usa ra kuno ka kombinasyon pirme ang iyang pustahan, dako kuno siya’g ginansiya.
* * *
Katulo na siya ka daug sa suwetres diin ang iyang pusta P20 kada pusta niya daku-dako sad ang daug. Wala kuno siya mag-maintain og numero kay mao kuno na ang maka-ut-ot sa imong pusta. Kada adlaw lain nga numero iyang pustahan.
“Tihik kuno ko nga sugarol sa lotto,” mikatawa si Tonyo. “Pero sa tanang drayber nga akong kauban ako ra ang nakadaug og tulo ka higayon na.”
* * *
TRIVIA -- Greetings diha sa atong mga higala sa Sityo NFA sa Lahug. Salamat sa inyong way hunong nga suporta sa Banat News.