Ang gitagna

Nagtuo ta nga ang atong nahuptan ang giisip natong pinakamaayo na. Ang wala lang nato hisayri nga dunay misteryo nga naglimin sa kinabuhi. Mao kini ang giingon pa nila sa English; “Expect the Unexpected!” Sama pananglitan sa kasinatian sa usa ka lalaki o kaha babaye nga nasakitan gumikan sa pagbuwag sa iyang hinigugma nga iyang giisip nga ikakuyog niya sa tibuok niyang kinabuhi tungod kay lagi ang maong relasyon giisip nga usa ka dakong abnormality.

Apan ang mapait nga kasinatian sa relasyon ang nahulipan og mas maayo pa. Kini tungod kay dunay gitagana nga mas nindot pa kay sa una. Busa angay lamang nga kini saulogon matag gutlo sa kinabuhi. Kini maoy nakapahimo sa kinabuhi nga nindot ug matahom.

Kini maoy nakapahimo sa kinabuhi ingon nga usa ka kulbahinam nga panaw sa pagkab-ot sa pangandoy ug kalipay.

Ug kini ang gitawag sa kinabag-an nga usa ka sorpresa! Husto gyud si Bonsai sa iyang pag-ingon: “Love will just come in an unexpected circumstances, person and places!” Ang mahinungdanon lang mao nga maantigo kitang mohawan sa atong hunahuna ug kasingkasing aron sa ingon, atong makita sa mas tataw gayud ang gitagana sa Dios alang kanato. Atong pamalandongan kining pipila ka tudling nga kinutlo sa usa ka Ancient Tibetan Prayer.

Wisdom, free from the clouds of the two obscuring veils

Altogether pure and shining brightly like the sun

Waking us up from the sleep of our disturbed emotions and the chains of mental habit. Scattering the darkness of not knowing.

Karon nakita na ni John Rey kun nganong dili sila si Amorvida kini tungod kay si Marie Therese man ang gitagana alang kaniya. Ug dili kay gitagana lang hinunoa ang maong linalang usa ka tim-os nga gasa nga kaniya gituga.