EDITORYAL - Ang nindot kaayong lamppost

Gikinahanglan kaayong inspeksiyonon ang mga lamppost sa taga Ombudsman, Commission on Audit   ug uban pang ahensya sa kagamhanan   nga may labot sa pagbantay sa panalapi sa gobyerno aron masuta ang mga materyales sa sulod ug sa gawas niining mga posteha nganong tag P250 mil man ang presyo niini.

Bisan kun hapit na hikalimti ang maong isyu apan banga sab tinuod kaayo ang mga kadagkoan sa gobyerno kundi nila sayron   ang tinuod nga balor sa maong mga poste.

Ang lawas ug ang gawas ug ang gisulod niini. Ang iyang suga, ug ang bildo nga gisudlan sa suga, unya kuwentahon kun pila gyuy kantidad sa katibuk-an aron nga   makonpirmar kun makatarunganon ba ang presyo nga   gisita sa kontraktor niini

Makaluluoy baya usab kaayo si Juan nga nagbaguod sa pagbayad og buhis unya sa labing kasayon human gamita sa makausa lang ka higayon, napapas ang kapuslanan sa himabaw sa P100 milyones nga gibayad sa maong mga poste.

Maayo pa tingale unta kun naagian  ang maong mga poste og grabe kakusog nga bagyo o kaha linog nga   milamoy niini   kay di kaayo sakit huna-hunaon sa mga magbubuhis, kay sa magsud-ong ang katawhan sa maong mga poste kansang hunahuna nagtulisok sa mga opisyal sa gobyernong mipatarok sa maong mga butang nga murag miduwaduwa lang sa kuwarta sa katawhan.

Ambot sa mga opisyal sa gobyerno nga mitugot nga ipanarok ang maong mga poste sa presyo nga tag P250 mil matag usa   kun makatutok ba niining mga posteha kun moagi sila sa mga karsada nga gipanamnan niini?

Aw ngano bang di makatutok unya ubanan lang og hinuktok total wa may mga tawo usab nga kanila misuway og tulisok . Di ba?