Ghost town gipalit sa INC

Human sugdi sa Iglesia ni Cristo ang pagpatukod   ang Ciudad de Victoria o Philippine Arena ang labing dako nga sports indoor arena sa tibuok kalibotan nga may seating capacity nga mokabat   sa 50,000 – 55,000 didto sa Bocawe, Bulacan, naukay na usab ang mga molupyo didto sa Scenic, South Dakota, USA dihang gipalit   sa INC ang maong lugar nga gitawag nila og “ghost town” sa kantidad nga $800,000.

Ang maong lugar usa ka dapit nga gibiyaan sa mga molupyo ug nahimong mingaw nga lugar   nga way mga establisementong mibarog   nga makahatag   og paglaum nga mabuhi ang magpuyo niini kun way trabahong  nasudlan sa gawas.

Sulod sa pipila na ka siglo, nga way ekonomiyang naglihok sa maong lugar kay ultimong gasoline station gitak-opan tungod kay nanglayas    ang mga tawong nanagpuyo sa maong dapit sa hinungdan nga ang taga didto ra maoy nasayud.

Apan dihang gibayaran sa INC ang katibuk-ang pila ka ektarya nga lungsod, bisan wa sila masayud kun unsa ning relihiyona nga dinhi moturok sa Pilipinas apan misuyla na ngadto sa kapin sa 100 ka mga nasud ug teritoryo sa gawas, milaum sila sa makausa pa nga ang maong dapit mahimong tinuod nga lungsod pag-abot sa panahon 

Sama usab sa Bocawe nga gitarokan karon sa Ciudad de Victoria nga gilauman sa mga opisyal sa maong lungsod ug sa tibuok lalawigan sa Bulacan nga usa   ka bag-ong lungsod sulod sa Bocawe.

Dinhi sa nasud, ang mga kapilya sa INC gibase lang ang gidak-on sa populasyon sa   iyang mga membro sa matag lokal.

Niadtong panahon ni kanhi Presidente Marcos daghan kaayong  nagtuo nga ang mga kapilya sa INC gigastohan sa kuwarta ni Marcos.

Apan dihang namatay si Marcos nahilom ang maong mga pasangil kay gikan sa pipila lang ka gatos nga kapilya sa maong relihiyon dinhi sa Pilipinas, misaka naman ngadto  sa linibo karon dala ang mga napatukod nga kapilya niini didto sa nagkalainlaing lugar    sa gawas sa nasud way labot sa mga yuta ug uban pang kabtangan nga gipamalit niini.

Diin man diay og kuwarta ang INC nga kasagaran sa mga membro niini mga kabus man ug nagsugod lang kini sa usa ka tawo   nga   giisip niining Sugo nga si Felix Manalo niadtong 1914 dinhi sa PilipinasDi ba?