Ang tulo ka ang-ang sa kaminyoon

Adunay tulo kuno ka ang-ang ang kaminyoon. Kini ang naglangkob ning mosunod:

1. HONEYMOON –– Diin ang magtiayon ang malipayong nidiskubre sa dugam-is sa gugma mao nga dili kabayran og sapi ang maong kasinatian. Daghan ang nagtuo nga nindot gyud ni.

2. DIS-ILLUSIONMENT –– Manggawas na ang tinud-anay nga bulok ug kinaiya sa usa’g-usa. Ang basic nga pangutana: “Wala ba kaha ako masayop sa matang sa kinabuhi nga akong gipili?”

3. JOY –– Ang malinawon ug malipayong pag-angkon nga taliwala sa maong mga bati, anaa gihapon ang kaanyag, ingon man ang rason kun nganong magpabilin gihapon kita niining matanga sa pagkinabuhi uban ning lakiha o bayhana.

Apan subo kaayo palandungon nga diha sa atong kaugalingon mismo, dili kita seguro sa atong pagbati. Daghan kanato ang nalibog. Daghan kanato ang naguol. Daghan kanato ang nihimo og detours. Apan sa paghimo og detours atong nakita ang kahaw-ang sa atong walay padulngang panlimbasog. Apan human sa ulan anaa ang adlaw diin nakita nato nga dunay gitagana diay nga mas nindot pa kaysa atong gituohan ug gipangandoy.