Island Province of Mactan

Kun mo-qualify lang, nganong di man mahimo? Dugay na ni namong gidamgo.

Kahinumdom ko, mga teenager pa mi, high school pa (sa ato pa, dugay na gyud kaayo), pipila sa among mga classmates naghisgot nga mahimong siyudad ang Opon.

Natuman na kini panahon ni Presidente Carlos P. Garcia. Midamgo usab kamo uban kang Serging Osmeña nga butangag taytayan ang Mactan Channel aron di maglisud ang mga deboto sa Birhen sa Regla sa ilang pagpamiyesta matag November 20-21. na-realized kini panahon ni Presidente Marcos, kinsa hangtud karon, wala pa malubong, gumikan sa isyo sa corruption. Siya ang atong gipasanginlan ngano nga corrupt ang atong nasud ug ngano nga midagsang ang mga kawatan. Siya usab ang atong gipasanginlan, nga dahil sa kanyang pagka-corrupt, mahirap tayo ngayon. History na to.

Dungan sa maong mga damgo, nagdamgo usab kami nga ma-separate province ang among isla sa Maktan, to be composed of the towns of Opon (now Lapulapu City). ug mga lungsod sa Cordova ug Sta. Rosa (Olango Island).

Ingon niini ka-advanced ang among mga damgo. Mas appropriate nga mahisakop ang Cordova sa Island Province of Mactan, kay sa mahimong barangay Cordova, sakop sa Cebu City, sumala sa sugyot ni Kongresista Tomas Osmeña, Ambut ganahan ba si Mayor Ade Sitoy nga mahimong Kapitan sa Barangay Cordova. Hinoon, sayon kaayo alang kaniya nga mapiling ABC president sa Cebu City ug automatic mahimong city councilor. Dungganan gihapon.

Anyway, sa ako nang giingon, kun mo-qualify lang, nganong di man tuod himoong island province ang Mactan. Then, duna na miy kaugalingong Gobernador. Ug daku ang purohan nga mahimong first governor si Mayor Ade Sitoy. Di ka gusto ana, De?

Ug niining mga panahona, dili na mi magsige’g hangad sa Cebu Provincial Capitol, ug kun magpadayon ang pagsuroy-suroy ni bisan kinsa nga molingkod sa Cebu Capitol, dili na ni namo igsapayan, kay waa na miy labut, ug mahimo nga kami na lang unyay mag-suroy-suroy sa kaugalingon namong probinsiya.

* * *

Sa among panahon, daghan kaayo ang manganak sulod lang sa mga panimalay, ilabina kadtong dili maka-afford pagpanganak sa maternity house ug sa hospital. Waa pa kaayo mo-uso ang mga midwife, mga mananabang lang.

Despite ining maong kahimtang, waa man ko kadungog nga dunay namatay tungod kay naglisud pagpanganak. Kun duna man, pila ra kaha ka buok. Sa mga barrio, layo kaayo sa mga hospital ug sa mga maternity centers, nganong waa man ma-problema sa mga pobreng inahan ang pagpanganak?

Karon, moingon sila nga kinahanglan mahimong balaud ang RH bill aron wala nay pobreng mabdos nga mamatay. Tuo ka ini, Dro?