Renta, Tangay, Tubos (1)
SA statistika ng Highway Patrol Group sa Camp Crame, simula taong 2000 hanggang taong 2010 ay bumaba ang mga kaso ng carnapping.
Subalit kataka-taka na dumadami ang mga nagiging at naglalabasang biktima ng mga kasong pinarenta ang kanilang sasakyan subalit hindi na naibalik pa sa mga may-ari.
Ito ‘yung tinatawag na modus ng Rent-Tangay. Rerentahan ng mga miyembro ng sindikato ang isang pribado o di kaya’y for hire na sasakyan.
Makalipas ang ilang linggo at ilang buwan, hindi na ibabalik pa sa may-ari at tuluyan ng tinangay ng mga suspek. At sa katagalan ipapatubos pa sa mismong may-ari ng sasakyan.
Ayon kay HPG Director Leonardo Espina, bagamat madami ang mga biktima ng tinatawag na Rent-Tangay, hindi pasok ang modus na ito sa kaso ng karnaping.
Dalawa lamang ang estilong pasok sa kasong car napping. Una, ay ang tinatawag na stolen while park unattended na ayon kay Gen. Espina, lingid sa kaalaman ng may-ari, kinuha ang kaniyang sasakyan habang nakaparada.
Ikalawa, ang stolen at gun point intimidation na bi nansagan ng BITAG na forcibly taken. Ibig sabihin, sapilitang pagkuha sa sasakyan ng ginagamitan ng dahas.
Samantalang ang Rent-Tangay, pumapasok lamang sa kasong Estaffa, kung higit sa lima ang nagre-reklamo, syndicated o large scale estaffa.
Ito ay dahil sa naunang transaksiyon sa pagitan ng biktima at ng suspek bago pa tangayin ang mga sasakyan.
Kung sa HPG, labing- isa ang grupo na nasa likod ng carnapping sa kanilang Radar Screen, tatlo naman ang malalaking sindikato na nasa likod ng Rent- Tangay.
Una rito ay ang Domin guez Brothers na sangkot sa Lozano-Evangelista Murder-Carnapping Case, Cynthia Campos Group at Evangeline Protacio Group na kasalukuyang nalambat na ng HPG.
Kani-kaniya ng estilo ang grupong ito kung paano mambiktima. Ipinaalam ito sa BITAG ng asset na itinago namin sa pangalang Allan, may koneksiyon si Allan sa tatlong nabanggit na sindikato ng Rent-Tangay.
* * *
Abangan ang ikalawang bahagi ng kolum na ito upang huwag mabiktima ng mga suspek sa likod ng rent tangay…
- Latest
- Trending
