Daghan na kaayo ang natagik ug nabatbat kalabot sa pagtabang sa mga nagkinahanglan. Samtang ang usa ka pari gikan sa iyang Misa ang kalit lang giduol sa usa ka babaye nga pwerting hilaka kay lagi nagkinahanglan siya’g kuwarta. Nagkratsis kini ug luoy gyud tawon kaayo. Ang pari nga giabot sa tumang kaluoy ang mihatag kaniya og kiniyentos. Wala damti’g pila ka minutos ang pari nga nanambo sa iyang bintana ang nakasud-ong nga ang babayeng nagkratsis ang mangisihong gipasakay sa usa ka taksi kuyog ang duha ka mga maskuladong lalake.
Pamalandong
Diha sa pagtabang kinahanglang kini organisado. Alaot lang gyud ang nagtinarong kay nadahig na lang sa mga binuhatan sa mga mangingilad.