Gidis-armahan AESOP

Usa ka liyon ang nahigugma sa anak nga babaye sa usa ka mag-uuma. Sa dihang iyang gisuginlan ang amahan niini, ang mag-uuma miingon: “Kun tinuod ka nga nahigugma sa akong anak, kinahanglang imong ibton ang tanan nimong ngipon apil na ang imong mga mahait nga kuko kay mahadlok man ang akong anak niana. Tuod man, gituman sa liyon ang sugyot sa amahan tungod sa dako niyang gugma. Apan sa dihang mibalik siya aron mamisita, igo na lang siyang giitsa pwera!”

Pamalandong

Matngoni ug hunahunaa una kun haom ba ang gitanyag nga tambag kanimo kay basin gamiton kini aron ikaw pukanon o ibutang sa alanganin.