Di angay ikauwaw

Sa pagsuwat ta niini, ang lotto Grand Jackpot wa pa madaug. Niabot na og kapin sa P600 milyones. Gipilahan pa sa mga naninguha nga ma milyonaryo sa honest nga paagi.

* * *

Dili baya mga mukhang pobre ang mga manghago og linya sa pagposta sa Grand Lotto. Niadtong Miyerkules sa hapon ang mga namila sa usa ka lotto outlet sa SM City pulos maarang-arang og kahimtang (basi sa pamiste ug pamarug).

* * *

Dihay usa ka babayeng medyo tambok nga kargadong kuwentas ang liog ug mga dagkong pulseras sa pulso. Dako kaayo’g bag nga gikuptan og laing bag sa abaga. Matud sa usa ka tsismoso: “Ka puyra buyag anang mananga oy.”

* * *

Usa sa mga iladong tawo nga nagpaila sa SM City lotto outlet mao si Kim tag-iya sa kan-anan nga nagda sa iyang ngan. Matud niya: “Dili angay ikauwaw ang pagpaninguha makapalit og ticket sa lotto. Pareha ra ning naninguha ta mamilyonaryo dili paagi sa pangurakot.”

* * *

Gipakpakan si Kim sa mga kauban niyang nagpaila sab. Tuod man hinaguan ang minilyon nga madaug sa usa ka debuwenason nga lotto player.

* * *

Suma pa sa usa nako ka higala didto sa Manila, sa Harrison Park alas sayes pa lang sa buntag daghan na ang nanaglinya. “Kada usa naninguha nga dili ma unaha’g kamilyonaryo,” matud pa sa akong higala (Cebuano) nga usa sad sa dili gustong mailogan sa grand jackpot nga adtong tungora niabot nag P600 milyones.

* * *

Suma pa sa usa nato ka informer, kadaghanan sa mamosta sa Grand Jackpot ning panahuna dili moposta sa usa o duha lang ka kombinasyon. Naa kunoy mamosta og tag usa ka gatos ka kombinasyon!

* * *

TRIVIA -- Greetings ngadto ni Pancho Tenebro ug sa uban tang mga kaila diha sa Sta. Rosa, Olango Island.