Ang bahandi ingon nga pamaagi ug dili ang tumong sa pagkinabuhi
Dili dautan ang paghupot og mga bahandi ning kalibutana labina kun kini atong nakuha o napanag-iya gumikan sa atong pagbudlay. Apan daghan kanato ang nakahimo og sala nga gitawag nilang “Sin of Omission” kun ang wala pagbuhat sa kinahanglang buhaton. Daghan kanato ang nahimong “walang pakialam sa mundo” kini tungod kay nakit-an lamang nato ang atong kaugalingon lamang ug dili na ang uban. Nakalimot kita sa pagdawat sa matuod nga dili diay kita maluwas ni mapanalipdan sa tanang higayon sa atong bahanding kalibutanon. Kita ang gidapit nga:
1. Gamita sa hustong pagkagamit ang imong bahandi. Ayaw pagwaldas ni ayaw paulipon sa nanghinobrang katihik.
2. Salig sa Dios ug ayaw sa imong bahandi kay dili sila mao ang Dios. Pamaagi lamang sila padulong sa Dios.
3. Gipiyal lamang sila kanimo ug dili ikaw ang tag-iya nila bisan pa man kun ikaw ang naghago. Gamita sila dili ingon nga “dole out” lamang kondili aron mahimo silang kasangkapan sa pagpalambo sa imong pagkatawo ug sa uban.