Kadaghang kwarta, unya, alkanse?

Mao kini ang nahitabo sa PCSO. Lisud tuhoan, tungod kay sa kadaghang kwarta niini, naalkanse balig usa ka bilyon ka pesos sa miaging tuig. Pagkakaron, gikan sa 2005, ang ilang utang mokabat og 2.2 bilyones ka pesos.

Matud pa: believe it or not. Believe na lang ta, kay kun di ta mo-believe, kinsa ug unsa may atong tuhoan?

Matud pa ni PCSO Chair Margarita Juico, lisud tuhoan. “ To my dismay, the COA reported that for the last three to four years, we’ve been suffering net loss. I couldn’t believe that myself because everywhere you go they look at PCSO as so wealthy. All of a sudden we have this net loss.”

Diin man diay paingon ang daghang kwarta? Lagmit, nanubra ang gasto kay sa income. Nganong gipasagdan man lang ni nga tulo o upat na man kaha ni ka tuig nga nagsige og alkanse ug nagkadaku ang mga bayranan?

Being a revenue-generating office, they are supposed to render an annual financial and operating report? Nganong wa man ni mahibaw-i? Or perhaps, nahibaw-an, apan gipasagdan lang?

Buot bang ipasabot nga kun wala pa ang bag-ong administrasyon, magpadayon lang ning maong kahimtang sa PCSO, sama sa nahitabo sa mga GOCCs kon mga government owned or controlled corporations nga nagpatuyang lang silang nagpaburot sa ilang mga bulsa, taliwa sa gipanggutom nga katawhan?

”We were earning OK, but it couldn’t catch up with the expenditures,” midugang si Juico. Sa ato pa, samtang mi-kita’ ang PCSO, kay imposible man sad kaayo kun walay income, apan, ang kita’ dili makapatas sa mga bayranan.

Ngano man ni? Nagpasabot ba nga incompetent ang mga nagdumala sa PCSO, nga sa matagkaron ug unya, manghatag og minilyon nga premyo ? Ang utang sa PCSO ngadto sa Makati Medical Center, mokabat og P29 milyones, sa National Kidney & Transplant Institute, P29 million. Kini, niining duha lang ka institution.

Nganong maka-incur man og utang ? Ug nganong di man sad kabayran? Mismanagement? Niini karong nagpadayon nga inquiry sa Kongreso, hinaut nga ma-pointed gyud ang tawo nga responsable niini, ug ma-klaro kun diin gyud paingon ang daghang kwarta, ug kinsay nakapahimulos niini?

Usahay dunay mudaog sa lotto nga mokapin og P100M. Dihay kapin sa 200 milyones ka pesos, kun wa ko masayop. Daghan kaayong kwarta, unya, alkanse? Daghang utang?

Maayo kun ilakip kini pagtan-aw sa Truth Commission, aron matubag kining daghang pangutana bahin sa PCSO, nga alang sa yanong lungsuranon, maoy labing adunahan nga institution sa gobyerno.