Gihulagway ni Sr. Supt. Patrocinio Comendador, director sa kapulisan sa dakbayan sa Sugbo ang resulta sa kinaugalingong pakisusi nga gihimo sa DySS Super Radyo Cebu sa pagbanhig-patay sa magpapatigayon nga si Manuel Ting. Kini human namahayag ang usa ka saksi sa hitabo nga ang tawong gidakop ug gipasakaan og kaso sa mga police dili mao ang naghimo sa krimin.
Atol sa among coverage sa pagbanhig-patay kang Manuel Ting gipamahayag sa maong saksi nga alas kuwatro pa lang sa hapon diha na sa dool sa bakery nga iyang gitrabahoan ang tawo nga iyang gihulagway nga adunay gipaabot. Iya usab nga gihulagway ang pamayhon ug postura sa kriminal nga kun iyang makita pagbalik makaila gayod siya niini. Ang bakery nga iyang gitrabahoan daplin gayod sa dan diin gibanhigan-patay ang biktima nga si Ting. Ang maong saksi wa maapil sa mga mi-execute og affidavit batok sa akusadong gidakop.
Aron masuta kun ang gidakop ug gipasakaan og kaso mao ba gayod ang naghimo sa krimin gipangita namo ang maong saksi. Human sa duha ka adlaw nga pagpangita nakit-an ra gayod siya. Ug human tutuki pagmaayo ang hulagway sa akusadong gidakop nga gipakita ngadto kaniya, iyang giingon nga dili kini mao.
Kay hugot man gayod ang pagtoo ni Sr. Supt. Patrocinio Comendador nga ang ilang gidakop mao gayod ang naghimo sa krimin, iyang giingon nga panglawgaw lang ang among gihimo. Kun ang saksi misulti pa nga ang gidakop ug gipasakaan na og kaso sa mga polis mao gayod ang naghimo sa krimin, moingon kaha ka Sr. Supt. Comendador nga nanglawgaw lang ang DySS? Sr. Supt Comendador wa kaha madyika sa imong mga polis imbestigator ang kaso ni Manuel Ting? Ambot lang!
* * *
Three ways to catch a Tiger: 1. Newton's Law - allow the tiger to catch you, then you catch the tiger. 2.Einsteins Law - Chase the tiger until the tiger becomes tired, then you catch the tiger. 3. PNP method - catch a cat and beat it until it admits that it is a tiger.