Masaligon si Erap

Nagpadayon pa ang kumbati sa pagka bise presidente.Wala pa mo-concede si Jojo Binay. Hehe.

* * *

Masaligon pa gihapon si Erap nga modaug sa pagka Presidente. Nadunggan siya nga masuk-anong misulti siya ni Jinggoy: "Goy, sabihin mo kay Noynoy I will never conceive!"

Tulo ka mga Marcos ang nanaug sa eleksiyon. Matud sa uban nalimot na kuno ang mga Pinoy sa kagahapon. Bitaw. Hinaut unta nga dili kita magmata’g buntag.

* * *

Sa wa pa ang eleksiyon, usa ka college scholar nadunggan nga miingon: "Ang mga intellectual giants adto paluyo ni Gibo samtang ang mga moral dwarfs adto ni Noynoy." Human sa eleksiyon,atong nakita nga mas daghan diay ang moral dwarfs kay sa intellectual giants.

* * *

Napaninglan na ba kaha ni Gibo si Gwen sa one million votes nga gisaad sa gobernadora? Murag giilog ni Noynoy ang one million. Hehe!

* * *

Ganahan ko maminaw sa sinukliay og binata nga atakihay nilang Tomas ug Atan. Matud ni Atan ngadtong Tomas: "Gusto ko healthy." Human sa eleksiyon matud ni Atan: "Gusto ko happy ka." Si Tomas mitubag: "Gusto ko pilde ka."

* * *

Gisunod-sunod baya ni sa mga bata sa among barangay. Ang tinuoray sila gyoy author niini.

* * *

TRIVIA -- Maayong buntag sa atong mga higala diha sa Compostela, Consolacion ug Liloan. Daghang salamat sa inyong nagpadayong pagsuporta kanato.