Kinahanglan molampus ang automated election

In fairness sa Comelec, naningkamot sad baya na sila nga magmalampuson ang unang automated election sa atong nasud, taliwa sa mga pagduda nga tingalig tuyuon nga ma-fail ang election aron makakitag rason ang nagpungko karon sa Malacañang pagpadayon sa gahom.

Kining tanan, suma pa sa Malacañang, pulos speculation ug bunga sa mga wild imagination sa oposisyon. Sa among pagduaw sa mga barangay – aron pagtambong sa mga miting sa mga pundok sa senior citizens, ilakip gyud ni Dodong Casinillo, OSCA Head ning dakbayan ang pagpasabot unsa kining automated election.

Gani, ang Comelec mihatag na man og katin-awan atubangan sa mga presidente ug ubang kadagkuan sa senior citizens ning dakbayan bahin sa umaabot nga eleksyon. Sa ato pa, anaa ang mga paningkamot nga mapasabot gayud sa katawhan ang automated election.

Usa ka international electoral watchdog, magpadala’g team nganhi sa Pilipinas aron pagpaniid ug pag-monitor sa umaabot nga eleksyon. Ang Asian Network for Free Election (ANFREL) miingon nga kun magmalampuson ang May 10 election dinhi sa atong nasud, mahimo nga kini sundon ug i-apply sa ubang kanasuran dinhi sa Asia.

Sa ato pa, kita ang mahimong modelo sa clean and honest election dinhi sa Asia. Busa, kinahanglan magmalampuson ang unang automated election sa atong nasud, kay daghan ang maniid ug magbantay kanato sa atong pag-conduct sa umaabot nga eleksyon.

Magpadala silag 32 ka sakop sa ANFREL, aron pag-assess, dili lang on election day, kondili, sa atong pagpangandam, lakip na ang training ug voter education.

Nahingawa sila nga kun mapakyas o mahitabo ang failure of election makahatag kinig mansa sa election institution sa Pilipinas. Maoy panghinaut nga dili na masubli ang vote-buying ug intimidation niini karong eleksyona.

Ato kining kutloon: “ Recalling the 2008 ARMM automated elections, the problems that could arise may not only have to do with the equipment. There were problems related to vote-buying, vote secrecy, voter education and the training of the board of election inspectors.”

So, mao kini ang suliran, tingalig masubli kini karon. Laing nahitabo sa ARMM election, mao nga sa diha nga mi-bog down ang computer mi-resort sila sa manual count, ug kini, matud pa, “open to manipulation.”

Ang ANFREL nag-basi sa Bangkok, ug gisakpan sa mga civil society organizations sa mga nasud sa Pilipinas, Bangladesh, Cambodia, India, Indonesia, Japan, Nepal, Pakistan, South Korea, Sri Lanka, ug Thailand.

Matud sa ANFREL: “The success of the automation election in the Philippines obviously will open the new era of election modernization that could probably be followed by neighboring countries.”

Busa, alang kanato, ilabina alang sa Malacañang, kinahanglan magmalampuson gyud ang umaabot nga eleksyon.