EDITORYAL - Naa bay nasilotan sa overspending?

Ubos sa balaud ang usa ka kandidato kinahanglan mogasto ra og P1.50 matag registered voter. Dili mosubra sa maong kantidad.

Apan kining maong kasugoan gisalikway sa mga kandidato. Gani dili lang gisalikway, gitumban ug giyatakan.

Sayud ang Comelec niini, natural, apan duna bay kandidato -- winner o loser -- nga nasilotan kay nigasto og kapin sa P1.50 matag botante?

Gawas ni Sen. Raul Manglapus nga nataktak sa pagka-senador kay nitug-an sa tinuod niyang nagasto sa kampanya, wa pay nasilotan gumikan sa overspending.

Hinuon ang P1.50 gamay ra kaayo apan kay balaud tumanon gyud unta -- bisan sa tinuod lang di gyud kana matuman kay unrealistic kaayo ang kantidad.