Paminawon ang awhag

Matag bespiras sa Bag-ong Tuig ang kagamhanan, ilabi na ang Department of Health, moawhag sa katawhan nga dili magpabuto og rebentador.

Ang maong awhag isalikway lang. Busa walay bespiras sa Bag-ong Tuig nga walay magkadugo ang nawong, walay wala maputlan og tudlo, naa pa man gani mamatay.

Ang mga dunay pusil-- lisensiyado ug dili giawhag usab nga dili magpabuto sa ilang armas de fuego apan naay mga gahi’g ulo, mopabuto gyud, ug ang resulta dunay maigo sa stray bullet.

Kanus-a pa kaha makakat-on ang atong mga kaigsuonan sa pagsanong sa awhag sa kagamhanan...awhag diin sila ra usab ang makabenepisyo.

Paminawon man o dili, kami usab moawhag sa atong kaigsuonan sa pagmatngon sa ilang pagsaulog sa Bag-ong Tuig.