Usa ka krusada diin ang tumong mao ang pagkab-ut og limpiyo nga piniliay unya sa Mayo 2010, ang gilusad sa usa ka NGO nga nagbase dinhi.
Ang krusada ginganlan og Good vs. Evil. Ug ang tinguha niini way lain kundili ang pagkampanya batok sa mga dautang buhat kalabot sa eleksiyon.
Naay mga nagkomentaryo nga ang bililhong tumong ning Good vs. Evil nga kalihukan mahimong tawgon nga “easier said than done.”
Apan naa say panultihon nga nag-ingon: “Nothing is impossible under the sun.”
Ug kami nagtuo nga kun tinud-on pagpadagan niining Good vs. Evil nga krusada ug kun suportahan sa komunidad duna gyu’y kaayohan nga makab-ot ang maong kalihukan.
Apan kinahanglan nga way politiko nga mo-enter ug way partido nga dapigan ang maong NGO nga nagpasiugda niini.