Sa dihang siya nakakita

OKTUBRE 25, 2009: Ikakatloan nga Domingo sulod sa tuig

Mga Pagbasa: Jer. 31;7-9/Hb. 5;1-6/Mk. 10;46-52

Adunay nindot kaayo nga movement nga nahitabo sa buta sa ebanghelyo karong Domingoha.Kini naglangkob ning mosunod: Una, siya daw sa walay nahimo ug nagkinahanglan og pag-agak. Nga sa ato pa, daw sa makaluluoy. Butang nga nakatukmod kaniya sa pagpunay og singgit uban ang pagtuo nga ang Anak ni David maluoy unta kaniya. Sa dihang giayo siya, ug nakakita siya, ang maong buta misunod kang Jesus ug ang maong pagsunod nagdala og dakong kausaban sa iyang naandang pagkinabuhi.

Ang kinabuhi usahay sa tawo daw sama ning buta sa ebanghelyo nga atong gihisgutan dili pa lang dugay. Tinuod daghan nato ang nakakita sa pisikal nga basehanan apan daghan kanato ang nagpabiling buta sa pagtuo ug nagpabiling buta diha sa pagpakabana. Daghan kanato ang nahimong mga walay pakialam sa mga hitabo. Daghan nato ang gipakita na unta sa husto apan ang mitugot lamang nga mamahimong buta hangtud sa hangtud. Pastilan! pagkalisud kun nahimo kitang magpakabuta tungod kay nalipay kita niini!