EDITORYAL - Way katapusang tubag-tubag

Kining tubag-tubag tali sa pro ug con bahin sa kontrobersyal nga towing services nga gikontrata sa City Hall nakahatag og kalingawan sa mga magbabasa’g mantalaan ug mga nagpaminawan sa tv ug radyo.

Makalingaw ang maong tubag-tubag tungod kay matag habig dunay rason ug ang kada rason, suma pa sa usa ka tigpaniid, “mora sa’g husto.”

Kinsa man gyu’y husto niining duha ka habig?

Kun pulos sila husto basi sa matag pangatarungan nila wala gyu’y katapusan kining maong panaglantugi. Kay nganong matapos man nga pulos man daug, way pildero?

May nalang nga nasang-at na kining buntaga sa korte. Ang korte nalay mohusgar kon mohukom kinsa husto ug kinsa’y nagpasagad lang pangangkon nga siya’y husto.

Sa pagkakaron, magpadayon ang tubag-tubag ug panaglalis.