EDITORYAL - Cory isip giya sa botante

Naghinangat na ang eleksiyon. Daghan ang mitanyag sa ilang kaugalingon nga pilion aron kahatagan kuno sila og kahigayonan sa pagsilbe kanato.

Manghinaot kita nga ang mga pumipili kon mga botante mohimo isip ilang giya sa pagpili ang kinaiya ug hiyas nga gihuptan ni anhing Cory Aquino.

Tungod kay usa ra man ang Cory Aquino, bisan lamang unta ang dunay kinaiya nga labing duol sa kinaiya ni Cory maoy atong pilion.

Ang karakter sa kandidato, kun mga maayong hiyas nga gihuptan niini, mao untay mopatigbabaw sa panahon nga kita mopili na sa atong botahan.