EDITORYAL - Malampuson nga panagtagbo

Base sa mga balita nga napatik sa atong mga pamantalaan, malampuson ang panagtagbo ni Presidente Gloria Macapagal-Arroyo ug Presidente sa US Barack Obama didto sa White House sa Washington, D.C. adtong Biyernes.

Gidayeg og maayo ni Obama ang Pilipinas ubos sa pangagamhanan ni Mrs. Arroyo. Koyal ang 45 minutos nga meeting sa duha ka Pangulong nasud ug kini gimatud-an sa mga hulagway diin makita nga mga malipayon kini.

Manghinaot kita nga kining cordinality kon kamabination ug mainit nga paghangpanay tali ni Arroyo ug Obama mobunga unta og mga dagkong mehoras nga mabuhagay dinhi sa atong nasud gikan sa Amerika.

Ok, malampuson ang panagkita ni Arroyo ug Obama base sa media reports apan dili kalikayan nga sawayon kini sa mga pundok kinsa hugot ang pagpangontra sa administrasyon ni GMA.