EDITORYAL - Suportahan ang lakang sa CAIB

Gibalita nga pito ka mga balay kahilayan dinhi sa siyudad sa Sugbu ang gi-monitor karon sa City Anti-Indecency Board kon CAIB.

Gihimo ang pag-monitor tungod kay misiaw nasad ang mga malaw-ay’ng pasundayag sa mga nightspots dinhi.

Atong hangpon ang maong balita tungod kay kining mga giingon nilang “hubo-hubo” nga pasundayag nakahatag og mangil-ad nga imahe sa atong dakbayan.

Atong nasayran nga daghang mga lalaki -- batan-on ug edaran na -- gikan sa kasikbit natong mga lalawigan ang mohago ug mogasto gayod sa pag-anhi dinhi matag weekend aron lang motan-aw kuno sa hubo-hubo.

Samtang wala pa kita kaanggai nga “sin city” maayong suportahan kining lakang sa CAIB batok ining mga malaw-ay nga mga pasundayag.