EDITORYAL - Dugang police visibility
Dugang police visibility kon pagpakita sa polis ngadto sa katawhan.
Usa kini sa mga prayoridad ni Chief Supt. Lani-O Nerez, ang bag-ong direktor sa Police Regional Office sa Central Visayas.
Kami nagtuo nga husto kining tinguha sa PRO-7 Chief Nerez nga mapalapdan ang police visibility.
Dili na tingali angay pang lalison nga ang tulisan mahadlok kun makakitag polis, ilabi na unipormado. Tungod niini, mapakgang ang dautang tuyo nga gihunahunaang kab-uton sa maong tulisan.
Apan ang halapad nga police visibility mahimo lang kun adunay igong gidaghanon nga unipormadong polis nga papatrolyahon sa kadanan.
Mora ma’g kuwang ra ang atong mga polis alang niining police visibility program ni Chief Nerez. Manghinaot kita nga kapun-an ang budget sa kapolisan aron kapun-an usab ang gidaghanon sa mga polis nga i-assign sa kadanan.
- Latest
- Trending
