Laganap ang putahan, sugalan at droga sa Maynila

NALULUSAW na ba ang kamay na bakal ni Mayor Alfredo Lim dahil sa paglaganap ng prostitusyon at pasugalan sa Maynila? Ito ang malaking katanungan kumakalat ngayon hindi lamang sa Manila Police District Headquarters kundi sa lahat ng sulok ng Maynila.

Ayon sa aking mga nakausap, tiningala ng sam­bayanan si Lim dahil sa kanyang kampanya laban sa prostitution, pasugalan at illegal na droga.. Napilitan umanong magsilayas ang mga tusong club owner sa Ermita at Malate, nagsarahan ang mga pasugalan at nagsilayas ang mga pinaghihinalaang drug pusher at user sa wa-lang puknat na pagsalakay ni Lim kasama ang MPD.

Di naman kaila na noong dekada ‘90 ay nagkalat ang mga bangkay ng mga pusakal sa lansangan matapos kumilos ang vigilantes. Napilitan ding magsilayas at lumipat sa mga kalapit na lungsod ang night spots na pag-aari ng mga banyaga. Personal pa ngang pinanga­ngasiwaan ni Lim ang pag-padlock at pagpintura ng kulay pula sa mga pintuan ng hinihinalaang putahan at drug dens. Bagamat maraming babae ang nawalan ng hanap­buhay at nangalugi ang mga negosyante, naging daan naman ito para tingalain ang Maynila.

Subalit tila nagkamali ang Manileno’s nang muling mailuklok si Lim sa puwesto dahil lumala ang sitwasyon. Lantaran ang prostitution ngayon. Kaya ang pangamba ng sambayanan ay paglaganap ng AIDS. Laganap din ang sugalan at mga laboratory ng droga. Sa ngayon nali­lito ang Manileños kung muli nilang susuportahan si Lim.

At habang nalilito ang Manileños, lalo pa silang na­dismaya matapos kumalat ang balitang may PO3 Jerry Villaluz ng Manila City Hall ang nagpapakilalang bagman. Si Villaluz umano ang ku­mu­kolekta ng lingguhang P500,000 sa mga puta- han, sugalan at vendor. Bukambibig umano ni Villa­luz ang pangalan ng aking kaibigan na si Sr. Supt. Alex Gutierrez at Mar Re­yes sa pag-orbit sa mga illegalista. Kaya habang napupuno ang bulsa ni Villaluz, nagagalit naman ang Manileños sa liderato ni Lim at sa Manila’s Finest.

Mayor Lim pakiham­balos mo ang nagpapa­ki­lalang Villaluz dahil ang malinis mong pangalan     ay ginagasgas sa illegal. Kapag nagpatuloy si Villa­luz sa kanyang operasyon tiyak na malilimutan ka ng iyong supporters sa dara­ting na eleksiyon. Abangan!