22. Paniudto ug panihapon

Dili angay moinom og tubig samtang nagkaon sa paniudto o kaha dihadiha dayon inigkahuman og kaon. Mas maayong palabyon una ang duha ka oras ug tunga human makakaon sa paniudto ayha pa moinom og tubig.

Ang rason nganong dili dayon moinom og tubig human makapaniudto mao ang pag-ensure nga ang mga pagkaon nga gikaon makaabot na sa digestive tract ug ang tanang digestive juices mahimong available sa usa ka concentrated form aron nga ang digestion sayon ug dali rang mapahigayon.

Paglabay sa duha ka oras ug tunga human sa paniudto, moinom og tubig nga 300 ml ang gidaghanon. Sa maong minimum gap, malikayan ang pagbati og punga tungod sa kabusog ug pagbusyad sa tiyan.

Sa mosunod nga mga takna sa dili pa manihapon, mahimong moinom og dugang tubig kun gikinahanglan man. Unya, moinom na usab og laing 300 ml nga tubig sa dili pa manihapon.

Samtang manihapon o dihadiha dayon human sa panihapon, dili gihapon moinom og tubig. Palabyon una ang duha ka oras ug tunga ayha pa moinom og tubig nga 300 ml gihapon ang gidaghanon.

Kining maong protocol sa pag-inom og tubig mahinungdanon kaayo kun maoy tuyo pag-angkon sa daghang mga benepisyo sa tubig alang sa katumnganan nga may kalambigitan sa kahimsog.

Kun husto ang atong paagi sa pag-inom og tubig, makatrabaho usab kini’g husto alang sa kaayohan sa atong lawas. (Sunod: Medical Supervision)