EDITORYAL - Ang makuyaw tang mga aseras

Kuyaw kaayo ang mga sidewalk kon aseras dinhi sa downtown area panahon sa kagabhion. Busa aduna karoy ordinansahon nga miawhag sa mga negosyante sa pagbutang og mga sugang dagitabnon sa ilang mga aseras.

Dili lang kay ang kangitngit maoy nakahimo’g delikado sa atong mga aseras. Ang maong sitwasyon gikuyogan usab sa kondisyon sa kasagaran sa aseras nga wala magkatupong ang “surface” nga gilaktan sa mga tawo.

Naay taas, naay mubo nga aseras. Naa pa man gani mga aseras nga gibabagan og semento aron kapugngan ang pagsud sa tubig-baha.

Kun nagkatupong o sa iningles pa nagka-level pa ang surface sa mga aseras ang kakuyaw niini mamenosan bisan pa’g way suga sa kagabhion.

Hinuon gikinahanglan gihapon nga dunay kahayag ang mga sidewalk kun criminal activities ang hisgutan.