Summer sa Canada

Summer dito at gayundin sa Canada

Panganay kong anak ay umuwi muna’t

Kami ay sinundo – kanyang isinama

Sa kanyang pagbalik sa bansang masaya!

Kaming mag-asawa at ang bunsong anak –

Ang kanyang mister, saka isang hipag;

May isang Canadian kaibigang tapat –

At ang tatlong apo – kami’y sampung lahat!

Ang sinakyan nami’y higanteng jetliner

Nasa business section kaming limang elders;

Nasa economy ang limang relatives

Yaong mag-asawa at tatlong apong excited!

Maraming turbulence kaming naraanan

Pagka’t nasa tapat ng Pacific Ocean;

Dahil sa makalog ang aming sasakyan

Di ako antukin habang naglalakbay!

Ako’y nakaramdam ng matinding takot

Pagka’y sampu kami na baka mahulog;

Sa bawa’t sandaling kami’y kumakalog

Nagdarasal ako habang sila’y tulog!

Kapag takot pala ang puso’t isipan

Ang hindi matulog ay nakakayanan;

16 oras akong gising ang isipan –

bumawi ng tulog sa Vancouver na lang!

Ang takot sa dibdib ay biglang nawala

Nang aming sapitin ang bansang sagana;

Dahil ang anak ko’y Canadian na yata

Kami’y ipinasyal na lubos ang tuwa!

Magagandang pook ay aming narating –

Dinala pa kami sa malyong whistler;

Yao’y paraisong ibabaw ng mountain

Sa bundok na yelo kami ay naaliw!

Ibabaw ng bundok ay aming nasapit

Sakay ng cable cars na siyang nagtawid;

Doo’y puro yelo at napakalamig –

Kay sarap maglakad at walang panganib!