Ang duha ka gamhanang principal

Kaniadtong Martes sa gabii mitawag kanako si Sir Bobby Inoferio aron pagpaabot sa iyang reklamo batok sa mga taga Citom kinsa midagit sa iyang motorsiklo nga gibilin sa gawas nga bahin sa Sto. Rosario Church kaniadtong adlaw’ng Sabado.

Samtang nanalangin ug nag-ampo alang sa kalinaw sa sugbo ug sa nasud ug alang sa iyang personal nga mga pangaliya ngadto sa kahitas-an wa diay kalibutan si Sir Bobby Inoferio nga gisignit na sa mga taga Citom ang iyang motorsiklo

Di na nato maihap ang kadaghan sa mga tawo nga nagreklamo batok sa Citom ug sa towing operation nga ilang gihimo tungod sa paagi nga gisunod nga dili maayo. Daghan na ang mireklamo tungod kay bisan kun anaa lamang sila sa duol sa ilang sakyanan kay may gipalit dili sila pahibaloon unya abusado pa gyod kaayo ug arogante.

Samtang atong giila ang paningkamot sa dakbayan sa Sugbo sa paghipos ug pagpamulta niining mga sakyanan nga magpasagad lang og parking, dili upod makatarunganon nga abusohan sila. Sigon sa akong nasayran ang tumong ug tuyo sa towing ordinance mao ang pag-regulate niining mga sakyanan nga gipangbiyaan lang sa mga tag-iya sa kadalanan nga nakabara ug nakapagamay sa dalan ug dili ang pagpanapi.

* * *

Sobra gyod seguro ka gamhanan ang Ginoo ning duha ka mga principal sa lalawigan sa Sugbo kay bisan og dili sila kuwalipikado sa pagka principal, na principal man. Sayonan mo nga sa kadaghang opisina nga motan-aw sa mga papeles sa aplikante, wa gayoy usa kanila ang nakabantay nga ang duha ka mga principal dili kuwalipikado?

Ultimong Civil Service Commission wa upod makabantay! Unsa gyod kaha ni sila ka gamhanan sa? Sila na kaha ang buhing kamatuoran sa giingong promotion for sale diha sa atong departamento sa edukasyon?