EDITORYAL - Sugyot alang kang Erap

Pipila sa mga Kongresista ang miawhag kang kanhi Presidente Erap Estrada sa paghatag og kahigayonan sa pagsilbe sa nasud isip Pangulo.

Ang mga Kongresista mipadayag sa ilang awhag ug panahom dihang mipasabot si Erap nga modagan siya pagkapangulo unya sa Mayo 2010.

Iya pa gani nga gibutyag ang mga tawo ang gusto niya mahisakop sa iyang tiket.

Human na ang iyang panahon -- panahon sa pagsilbe sa nasud apan wala niya ampingi ang iyang pagkapangulo maoy hinungdan nga natagak siya ug wa makatiwas sa iyang termino.

Dunay mga sugyot nga undangon na ni Erap ang iyang tinguha nga mag Presidente pag-usab, hinuon iyang suportahan kadtong mga tawo nga gustong mag-senador ubos sa papel nga “kingmaker.”