EDITORYAL - SSS nakapapriso

Usa ka kanhi tag-iya’g eskuwelahan didto sa Quezon City ang nakombikto tungod sa kasong non-remittance kon wala pagremit sa kontribusyon sa iyang mga empleyado ngadto sa Social Security System (SSS).

Gihukman nga bilangguon og pito ka tuig ang maong employer ug pabayron pa gyud og P50,000 nga multa.

Kining pagkakombikto sa gihisgutang kanhi school owner makahatag og leksiyon ngadto sa ubang mga opisyal sa mga establisamento nga dili moremit sa kontribusyon sa ilang mga kawani ngadto sa SSS.

Manghinaut kita nga hugtan pa gayud sa SSS ang ilang kampanya batok sa mga dagkong opisyal sa mga establisamento nga magpahimulos sa ilang mga inosenteng empleyado.