EDITORYAL - Ang pagkunhod sa Citom income

Nasagmuyo si Mayor Tomas Osmeña sa pagkunhod sa income sa City Traffic Operations Management (CITOM) ug iyang gibasol si Vice Mayor Mike Rama.

Mga tigpaniid sa dagan sa City Hall operations nagkahiusa nga ang pagkunhod sa revenue sa Citom dili angay’ng ikaguol tungod kay usa kini ka tilimad-on nga ang kampanya sa Citom sa pagpatuman sa traffic laws milampos.

Kun ang mga traffic laws gisunod sa mga drayber ug pedestrian momenos gyud ang multa ug kun momenos ang multa dayag na lang nga ang revenue sa Citom manaug gyud. Kini suma sa mga tigpaniid.

Hinuon naa say ubang madudahon nga gibulsa sa pipila ka traffic enforcers ang multa. Apan kini pagduda lang ug angay’ng pamatud-an.