Uhipan

Ang mananap nga uhipan usa sa gigamit sa mga badlongon sa katilingban pagpasalir sa ilang tinonto, labina gyod ang mga kawatan ug mangunguot. Sagad kining mahitabo sulod sa usa ka PUJ.

Ang estilo mao nga adunay mga lalaki nga mosakay sa jeepney. Bisan og kauban ra sila apan dili sila magtupad pagpanglingkod. Unya ang usa kanila mopagawas sa usa ka uhipan ug buhian kini diha sa salog sa sakyanan. Natural nga malisang ka. La'a ra ba ang maong mananap kun makapaak. Wala kay kasayoran nga gikuhaan nag "paak" ang maong uhipan ug dili na kini kuyaw kun makapaak.

Tungod sa uhipan, magkagubot ang mga pasahero sulod sa jeepney. Makabig ang ilang pagtagad ngadto sa uhipan nga nagkamang-kamang sulod sa sakyanan. Dinhing bahina mopasalir ang mga badlongon sa ilang tinonto. Mohinok sila’g panguot sa bolsa ug bag sa mga pasahero aron kuhaon ang kuwarta ug ubang valuables.

Pagbantay kamo niining maong estilo sa modus operandi.

* * *

Safety first! Mao gyod kini angay hunahunaon kanunay sa mga construction worker. Importante nga luwas ka sa peligro sa imong pagtrabaho. Ug niay pinobre kong sugyot!

* Seguroa nga ang damba nga imong gitungtongan lig-on ug dili daling mahugmak ug mahulog ba hinuon ngadto sa ubos.

* Isul-ob gyod kanunay ang hard hat.

* Mag-amping sa pagdala sa mga kabilya, tubo, antena ug ubang metal labina kun ikaw nagtrabaho duol sa mga linya sa kuryente ug sa uban pang energized electric supply facilities aron malikayan ang aksidente nga makuryentihan.

* Ayaw guniti ang mga linya sa kuryente nga maduol nimo. Hunahunaa kanunay nga live wire kini.

* Kun pinutos ang wire, sutaa kun wala bay bahin sa putos niini nga napanit kay kuyaw nga makuryentihan ka kun mahikapan mo ang napalit nga bahin niini.

* Ayaw hikapa ang butang o tawo nga nasabod sa kuryente kay tingalig makuryentihan ka usab.

* * *

 (Sumbong ug reklamo? Text sa 0910-8105522).