Pagbag-o

Ang pagbag-o moresulta sa kausaban. Kini ang gikinahanglan sa atong nasud karon. Gikinahanglan ang pag-usab sa dunot nga sistema aron atong masinati ang paglambo sa lainlaing aspeto sa atong kinabuhi.

Niay pipila ka sugyot sa pagbag-o.

• Kun ikaw usa ka politiko, ayaw na pangurakot.

• Kun ikaw usa ka driver, tumana ang mga lagda sa trapiko.

• Kun ikaw usa ka polis, ayaw na pangutang.

• Kun ikaw mopahigayon og transaksiyon sa mga buhatan sa gobiyerno, ayaw subornohi ang mga fixer.

• Kun ikaw usa ka pedestrian, ayaw pag-jaywalking.

• Kun ikaw baskog og lawas, ayaw pangdelihinsiya sa mga PUJ driver.

• Kun ikaw usa ka porter, ayaw pagpahimulos sa higayon kun may mga pasahero nga mokuha sa imong serbisyo.

• Kun ikaw taxi driver, gamita ang metrohan sa imong taxi sa imong pagpamasahero.

• Kun ikaw negosyante, ihatag ang makataronganon nga presyo ngadto sa mga pumapalit.

• Kun ikaw usa ka employer, suweldohi ang imong mga trabahante segun sa unsay gilatid sa balaud nga minimum wage.

• Kun ikaw empleyado sa gobiyerno, report sa tukmang oras tingtrabaho ug tumana gyud ang imong mga kaakohan.

• Kun ikaw taas nga opisyal sa kagamhanan, ayaw paghinambog ug pag-abuso.

• Kun ikaw may paryente nga taas nga opisyal sa kagamhanan, ayaw gamita ang iyang ngalan sa imong paghinambog ug pag-abuso.

* * *

“Good AM, Sir. Unsa man ning computeran diri sa Tambisan, Labangon nga mag-operate man sila og bold kada gabii alas 12 AM hangtod kaadlawon? Concern Citizen lang.” -- 0919-3870260

Atong sangpiton ang mga brgy. opisyal sa Labangon sa pagsusi ning gitaho sa atong texter aron masuta kun tinuod ba kini o dili.

Palihog, aksiyoni!

 (Sumbong ug reklamo? Text sa 0910-8105522).