EDITORYAL - Dili unta masubli ang eskandalo

Si Comelec chairman Jose Melo gikutlo sa mga miingon nga kun dili ma-automated ang piniliay sa 2010, masubli ang “scandal-ridden” kon napuno sa eskandalo nga eleksiyon niadtong 2004.

Sa pagkakaron, mora’g maoy mahitabo tungod kay hanap kaayo ang katumanan sa dugay nang gidamgo nga automated elections.

Ug tungod kay ipadayon man gyud sa Comelec ang 2010 nga piniliay bisan ipadayon ang pagkinamot (manual) niini, manghinaot kita nga makakita’g pamaagi ang komisyon sa pagpakgang sa mga tinunto nga himuon sa nagplanong manikas.

Gikinahanglan usab ang pagkamabinantayon sa katawhan aron ang nga giingong “scandal-ridden” 2004 elections dili masubli sa 2010.