"Good day, Sir. Naay daghang mga kawatan nga ang modus mao ang pagkapyot-kapyot sa sakyanan. Dili sila manakay, kapyot lang gyod. Mangawat sila sa mga butang sa mga pasahero. Klaro na baya ning ilang modus. Naa ni diha dapit sa may Junquera." -- 0928-6077319
Daghang salamat sa kasayoran nga imong gihatag, higalang texter. Hinaot unta nga pinaagi niini, makabantay ang atong kaigsuonan nga sumasakay, partikular na sa mga sakyanan nga moagi diha sa Junquera.
Ayaw mog kompiyansa nianang mga lalaki nga magkapyot-kapyot sa mga PUJ nga dili gyud mosulod sa sakyanan bisan may bakante pang mga lingkoranan. Kawat ug panglabni ang tirada nianang maong mga badlongon sa katilingban.
* * *
"Good day, Sir. Naay daghang shabu diri sa Guba. Wala man gyod ni madakop. Maayo untag maoperisyonan ni sa mga awtoridad." -- 0929-4774618
Labing maayo kun magpadangat kag sumbong ngadto sa barangay ug ingon man ngadto sa proper authorities. Mahimong dili ka lang magpaila alang sa imong seguridad.
* * *
Usa sa mga paagi aron dili ta mabiktima sa mga badlongon sa katilingban mao nga dili ta sila hatagan og kahigayonan nga makabiktima nato. Ayaw sila hatagi’g chance nga makapasalir sa ilang tinonto.
* Aron dili malabni ang imong cellphone, ayaw pag-text-text sa daplin sa dalan.
* Aron dili masulod sa dakong kasayon sa mga kawatan ang imong balay, ayaw kini biyai nga abiyerto ang pultahan.
* Aron dili ma-carnap ang imong sakyanan, seguradoa gyod nga na-lock nimo ang tanang pultahan niini.
* Aron dili masakiyo ang imong mga alahas, ayaw kini isul-ob kun magsakay kag PUJ.
* Ayaw pagdala og daghan o dakong kantidad sa kuwarta kun ikaw molakaw kay basin mataymingan ka sa mga tulisan.
* * *
(Sumbong ug reklamo? Text sa 0910-8105522).