EDITORYAL - Benepisyo sa mga beterano gisaway

Gibalita nga ang kagamhanan sa Estados Unidos sa Amerika miaprobar na sa balaudnon nga mihatag og minilyon dolyares nga equity ngadto sa mga Pilipinhong war veterans.

Ang mga Pinoy nga beterano nga tua na nanimuyo sa Amerika makadawat og one-time lump sum nga $15,000 matag usa samtang kadtong ania sa Pilipinas $9,000 ang madawat sa matag usa.

Ang maong kalamboan gihangop sa mga beterano ug sa ilang mga pamilya. Apan naay usa ka sektor sa atong katilingban nga misaway sa maong financial benefit.

Ang maong sektor nailhan nang kusog mosaway sa bisan unsang buhaton sa Estados Unidos bisan pa’g kini alang sa kaayohan sa mga Pilipinhon.

Adunay panultihon nga nagkanayon: “Damned if you don’t, damned if you do.” Mahimo kining i-aplay ngadto’s Amerika.