EDITORYAL - Sugyot nga angay'ng tagdon

Nagpadayon ang mga pagpamusil patay sa mga mamamuno nga nagluwan og motorsiklo.

Ang nipatay kang Piskal Patrick Osorio, gikataho nga nagsakay gihapon og motorsiklo.

Dili na maihap ang mga krimen nga nahimo sa mga killer nga nagsakay’g motorsiklo. Tungod kay dili man mahimong idili ang pagpalit og motorsiklo, naay sugyot nga angay’ng hatagan og pagtagad.

Ang sugyot: Ang mopalit og motorsiklo kuhaan og detalyadong impormasyon bahin sa iyang pagkatawo.

Pangayoan og police o ba kaha NBI clearance. Kuhaon ang numero sa telepono (landline or mobile). Pangayoan og character references.

Ang katuyoan sa maong sugyot mao ang kasayon sa pag-trace unya sa tag-iya kun pananglitan malambigit ang motorsiklo sa usa ka krimen.