Nagpaso-paso ako panahon sa kagabhion sa tugkaran sa kombento ug maoy nasabak sa akong panan-aw ang kidlap sa mga series lights sa kabalayan ingon man sa may simbahan. (Salamat sa taga srcDS). Alang nako, mas maayo ra pud nga dili kaayo daghan ang dekorasyon kay gawas nga simple lang ug matahom ang pipila ka mga series ug parol, makapanghinuklog pa gyud kita nga karong panahona dili maayong magpataka lang og gasto sa mga adorno.
Pamalandong
Ang Pasko sa Pagkatawo mahitabo bisan pa man kundili kaayo bongga ang preparasyon. Kun himuon pa lang unta nga mas palabihon nato ang paghimo og Organized Charity ingon nga institusyon nan, mahimong mas mabulokon pa ang atong pagsaulog kaysa paghimo og parties nga kita ra pud ang mabusdik.