Load gikawat

"Kawatan og load ang akong network. If naa koy load nga P30 then di ko magpa-unlimited dayon, inigkaugma mawa ang P30. Naay mag-send og download nga bisan unsa lang. Bisan wala ta mag-download, kawaton gyod atong load." -- 0929-4989821 (Sent:: 05:54:43--Sept. 15, 2008)

Hangtod karon wala pa diay gihapon mahunong kining kinawatay sa mga load. Angay ning ma-address sa communication companies aron dili mahigawad nila ang ilang subscribers. Dili baya sayon pangitaon ang kuwarta karong panahona.

Tungod lagi kay "texting is a way of life" na man natong mga Pinoy maong mo-load gyod ta bisan apiki nas budget. Unta, dili pahimuslan sa mga kompaniya sa komunikasyon ang atong pagkahingag sa texting.

* * *

"Diri sa may Eversly sa Jagobiao, Mandaue City naghitak ang pamaligyag shabu ug hantak. Wala gyod masumpo ning problemaha." -- 0906-6845881 (Sent: 12:15:29am--September 16, 2008)

Angayan ning susihon sa mga hingtungdan aron masuta kun tinuod ba o dili kining maong taho.

Mas maayong manginlabot niini ang mga opisyal sa barangay ug moabag sa kapolisan paghimog aksiyon.

* * *

Akong awhagon ang naggamit sa cellphone number 0918-7326455 nga nag-text nako niadtong September 17, 2008) (Sent: 04:30:30 pm) nga mas maayong tul-iron na niya ang iyang kahiwian.

Kini gong maong texter nagsige’g padala og makadisturbong text messages ngari nako. Morag nakakaon og sili ning tawhana maong gihangan siya. Ang akong ikasulti mao nga "truth shall prevail."

Ug salamat sa imong pahimangno, Bay!

* * *

 (Sumbong ug reklamo? Text sa 0910-8105522)